حکومتِ پاکستان نے ڈیجیٹل معیشت کے فروغ کے لیے 1 ارب ڈالر کے اے آئی فنڈ کا اعلان کر دیا ہے، جسے ملکی ٹیکنالوجی سیکٹر کے لیے ایک اہم سنگِ میل قرار دیا جا رہا ہے۔
حکومت اور Special Investment Facilitation Council (ایس آئی ایف سی) ملک میں جدید ٹیکنالوجی اور سرمایہ کاری کے فروغ میں کلیدی کردار ادا کر رہے ہیں۔
Pakistan Institute of Development Economics کے وائس چانسلر Dr. Nadeem Javaid نے اس اقدام کا خیر مقدم کرتے ہوئے کہا کہ اس فنڈ کے تحت ملک بھر کے اسکولوں میں اے آئی نصاب متعارف کرایا جائے گا تاکہ ایک مضبوط اے آئی ایکو سسٹم قائم کیا جا سکے۔
انہوں نے بتایا کہ:
- 2030 تک طلبہ کے لیے 1000 مکمل فنڈڈ اسکالرشپس فراہم کی جائیں گی۔
- 10 لاکھ غیر آئی ٹی افراد کو اے آئی کی تربیت دی جائے گی۔
- نوجوانوں کے لیے اسٹارٹ اپس، چھوٹے اور درمیانے کاروبار اور مائیکرو انٹرپرائزز کے مواقع پیدا ہوں گے۔
ماہرین کے مطابق یہ اقدامات نہ صرف پاکستان میں ڈیجیٹل معیشت کے قیام میں مددگار ثابت ہوں گے بلکہ نوجوانوں کو جدید مہارتوں سے آراستہ کر کے انہیں ملکی معیشت میں مؤثر کردار ادا کرنے کے قابل بنائیں گے۔
یہ فنڈ مستقبل کی ٹیکنالوجی پر سرمایہ کاری کا مظہر ہے جو پاکستان کو عالمی ڈیجیٹل معیشت میں نمایاں مقام دلانے میں معاون ثابت ہو سکتا ہے۔
