Punjab میں قیامِ امن اور سیکیورٹی کو مزید مضبوط بنانے کے لیے اہم فیصلہ کرتے ہوئے ملکی تاریخ میں پہلی بار تمام اضلاع میں ’’اینٹی ڈرون یونٹ‘‘ قائم کرنے کا اعلان کر دیا گیا ہے۔
اینٹی ڈرون یونٹس کا قیام
حکام کے مطابق ہر ضلع میں ڈی پی او کی سربراہی میں اینٹی ڈرون یونٹ قائم کیا جائے گا۔ یہ یونٹس:
- خصوصی ڈرون فلیٹس کے ذریعے فضائی نگرانی کریں گے
- حساس مقامات اور عوامی اجتماعات کی نگرانی میں مدد دیں گے
- جدید اینٹی ڈرون سسٹم کے ذریعے مشکوک ڈرونز کو ناکارہ بنائیں گے
اینٹی ڈرون سسٹم کیسے کام کرے گا؟
پولیس کے مطابق ہر ضلع میں اینٹی ڈرون سسٹم جیمرز فراہم کیے جائیں گے جو:
- دشمن یا شرپسند عناصر کے ڈرونز کے سگنلز جام کریں گے
- مشکوک ڈرونز کو کنٹرول سے باہر یا ناکارہ بنا دیں گے
یہ اقدام جدید دور کے انسداد دہشت گردی تقاضوں کو مدنظر رکھتے ہوئے کیا جا رہا ہے۔
ڈرون اڑانے پر پابندی
حکومت کی جانب سے پہلے ہی پنجاب بھر میں عوامی مقامات پر ڈرون اڑانے پر دفعہ 144 نافذ ہے۔
پابندی کے تحت:
- عام شہریوں کیلئے ڈرون اڑانا ممنوع ہے
- قانون نافذ کرنے والے اور انٹیلیجنس ادارے اس پابندی سے مستثنیٰ ہیں
حکام کے مطابق شہریوں کو ہدایت کی گئی ہے کہ وہ ڈرون کے استعمال سے متعلق عائد پابندی پر مکمل عمل کریں تاکہ امن و امان اور عوامی تحفظ کو یقینی بنایا جا سکے۔
