اسلام آباد:
صدر مملکت Asif Ali Zardari اور وزیر اعظم Shehbaz Sharif نے قومی ہاکی ٹیم کے آٹھ سال بعد ہاکی ورلڈ کپ کے لیے کوالیفائی کرنے پر خوشی اور مسرت کا اظہار کیا ہے۔
وزیر اعظم شہباز شریف نے قومی ہاکی ٹیم کو اس اہم کامیابی پر مبارکباد دیتے ہوئے کہا کہ کھلاڑیوں نے سخت محنت اور بہترین کارکردگی کے ذریعے ملک کا نام روشن کیا ہے۔ انہوں نے کھلاڑیوں کو نصیحت کی کہ وہ اسی جذبے اور عزم کے ساتھ کھیل جاری رکھیں تاکہ آنے والے FIH Hockey World Cup میں بھی کامیابی حاصل کی جا سکے۔
وزیر اعظم کا کہنا تھا کہ حکومت قومی ٹیم کو ہر ممکن سہولیات فراہم کرے گی تاکہ کھلاڑی اپنی پوری توجہ کھیل میں نمایاں کارکردگی دکھانے پر مرکوز رکھ سکیں۔ انہوں نے اس امید کا اظہار کیا کہ قومی ٹیم عالمی مقابلوں میں پاکستان کا پرچم بلند کرے گی۔
دوسری جانب صدر مملکت آصف علی زرداری نے بھی قومی ہاکی ٹیم کو ورلڈ کپ کے لیے کوالیفائی کرنے پر مبارکباد دی۔ انہوں نے کہا کہ طویل وقفے کے بعد یہ کامیابی پاکستان میں ہاکی کے احیاء کے لیے ایک مثبت اور حوصلہ افزا قدم ہے۔
صدر مملکت نے کہا کہ کھیل معاشرے میں قومی اتحاد، نظم و ضبط اور صحت مند سرگرمیوں کے فروغ میں اہم کردار ادا کرتے ہیں۔ انہوں نے اس بات پر بھی زور دیا کہ ہاکی اور فٹبال جیسے عوامی کھیلوں کو مزید فروغ دینے کی ضرورت ہے کیونکہ یہ کھیل عام لوگوں اور محنت کش طبقے میں بے حد مقبول ہیں۔
ان کا کہنا تھا کہ نوجوان کھلاڑیوں کو زیادہ مواقع فراہم کر کے پاکستان ایک بار پھر عالمی سطح پر ہاکی میں اپنی کھوئی ہوئی شان بحال کر سکتا ہے
