گوادر:
بلوچستان میں مشترکہ انٹیلی جنس کارروائی کے دوران Pakistan Coast Guards اور Pakistan Navy نے بڑی کارروائی کرتے ہوئے پہاڑوں میں چھپایا گیا منشیات کا بڑا ذخیرہ برآمد کرلیا۔
حکام کے مطابق یہ کارروائی بلوچستان کے ساحلی علاقے Jiwani میں کی گئی جہاں پہاڑی علاقے میں چھپائی گئی بھاری مقدار میں منشیات قبضے میں لی گئیں۔
کارروائی کے دوران 1050 کلوگرام چرس اور 200 کلوگرام میتھ (آئس) برآمد کی گئی۔ حکام کے مطابق پکڑی جانے والی منشیات کی عالمی منڈی میں مالیت تقریباً 110 ملین ڈالر بتائی جا رہی ہے۔
سیکیورٹی ذرائع کا کہنا ہے کہ یہ منشیات سمندری راستے کے ذریعے بیرون ملک اسمگل کرنے کی تیاری کی جا رہی تھی تاہم بروقت کارروائی کے ذریعے اسمگلنگ کی بڑی کوشش ناکام بنا دی گئی۔
ترجمان Pakistan Coast Guards کے مطابق ادارہ منشیات کی اسمگلنگ کی روک تھام اور اس میں ملوث نیٹ ورکس کے خاتمے کے لیے پرعزم ہے۔
انہوں نے مزید کہا کہ منشیات کی اسمگلنگ کے نیٹ ورکس دہشت گرد تنظیموں کو منظم طریقے سے مالی معاونت فراہم کرتے ہیں، اس لیے ایسے نیٹ ورکس کا خاتمہ قومی سلامتی کے لیے انتہائی ضروری ہے
