لاہور:
وزیراعلیٰ پنجاب Maryam Nawaz نے صوبے میں ناجائز اسلحہ کے خاتمے کے لیے اہم اقدامات کرتے ہوئے اس ذمہ داری Crime Control Department Punjab (سی سی ڈی) کو سونپ دی ہے۔
تفصیلات کے مطابق وزیراعلیٰ نے ہدایت جاری کی ہے کہ عیدالفطر کے بعد پنجاب بھر میں اسلحہ کلچر کے خاتمے کے لیے بھرپور مہم چلائی جائے۔ اس مقصد کے لیے حکومت نے پہلی مرتبہ اسلحہ کی نمائش اور ناجائز استعمال کی روک تھام کے لیے جامع قانون تیار کر لیا ہے۔
وزیراعلیٰ مریم نواز شریف نے The Punjab Surrender Illicit Arms Act 2026 کی منظوری دے دی ہے۔ اس نئے ایکٹ میں ہر قسم کے ناجائز اسلحہ کے خاتمے اور اس کے خلاف کارروائی سے متعلق واضح شقیں شامل کی گئی ہیں۔
نئے قانون کے تحت اینٹیک یا قدیم اسلحہ کو گھر میں آویزاں کرنے کے لیے بھی خصوصی اجازت نامہ حاصل کرنا لازمی ہوگا۔ اس کے علاوہ قانون کے نفاذ کے بعد شہریوں کو اپنے پاس موجود ناجائز اسلحہ سی سی ڈی کے پاس جمع کرانا ہوگا۔
حکام کے مطابق لائسنس یافتہ اسلحہ رکھنے والے افراد کو بھی اسلحہ رکھنے کی معقول وجہ بیان کرنا ہوگی، جبکہ مقررہ مدت کے اندر ناجائز اسلحہ جمع نہ کرانے والوں کے خلاف سخت سزائیں تجویز کی گئی ہیں۔
حکومت کا کہنا ہے کہ اس اقدام کا مقصد صوبے میں اسلحہ کلچر کا خاتمہ اور عوام کے لیے محفوظ ماحول فراہم کرنا ہے۔
