واشنگٹن:
امریکا نے افغانستان کے حوالے سے سخت سفری انتباہ جاری کرتے ہوئے اپنے شہریوں کو کسی بھی صورت وہاں سفر نہ کرنے کی ہدایت کر دی ہے۔
امریکی وزیر خارجہ Marco Rubio نے افغانستان کو ’’اسٹیٹ اسپانسر آف رانگ فل ڈیٹینشن‘‘ قرار دیا ہے۔ اس مؤقف کی تائید کرتے ہوئے امریکی اسسٹنٹ سیکرٹری Mora Namdar نے بھی باضابطہ سفری انتباہ جاری کیا۔
ان کے مطابق امریکا نے افغانستان کے لیے اپنی سب سے بلند درجہ کی ٹریول ایڈوائزری لیول 4 (ہرگز سفر نہ کریں) برقرار رکھی ہے۔ حکام کا کہنا ہے کہ افغانستان میں امریکی شہریوں کو سنگین خطرات لاحق ہیں اور وہاں موجود امریکی شہریوں کو فوری طور پر ملک چھوڑ دینا چاہیے۔
امریکی حکام کے مطابق طالبان کے دعوؤں کے برعکس افغانستان اب بھی محفوظ نہیں اور مختلف سیکیورٹی خدشات موجود ہیں۔
عالمی ماہرین کے مطابق Taliban حکومت کو عالمی سطح پر تنہائی اور دباؤ کا سامنا ہے۔ دوسری جانب United Nations میں افغانستان کے مندوب Nasir Ahmad Faiq بھی ملک میں دہشتگرد عناصر کی موجودگی کا اعتراف کر چکے ہیں۔
تجزیہ کاروں کا کہنا ہے کہ عالمی ٹریول ایڈوائزریز کے باوجود افغانستان میں بعض علاقائی سرگرمیوں اور روابط نے خطے کی صورتحال کو مزید پیچیدہ بنا دیا ہے
