Iran کی مسلح افواج نے Israel کے خلاف جاری کارروائیوں کے دوران پہلی مرتبہ طویل فاصلے تک مار کرنے والے Sejjil missile کے استعمال کا دعویٰ کیا ہے۔

ایرانی میڈیا کے مطابق پاسدارانِ انقلاب Islamic Revolutionary Guard Corps نے اعلان کیا کہ اسرائیلی اور امریکی اہداف کے خلاف آپریشن Operation True Promise 4 کی 54ویں لہر کا آغاز کر دیا گیا ہے، جس میں جدید میزائل استعمال کیے گئے۔

رپورٹس کے مطابق یہ جوابی کارروائی “یا زہرا” کے آپریشن کوڈ کے تحت کی گئی جس میں متعدد میزائل داغے گئے۔ ان میزائلوں میں دوہری وارہیڈ والے سپر ہیوی Khorramshahr missile کے علاوہ Kheibar missile، Ghadr missile اور Emad missile بھی شامل تھے۔

ایرانی حکام کے مطابق Sejjil missile ٹھوس ایندھن سے چلنے والا میزائل ہے جسے امریکا اور اسرائیل کی جانب سے 28 فروری کو ایران کے خلاف شروع کی گئی کارروائیوں کے بعد پہلی بار اس جنگ میں استعمال کیا گیا۔ دعویٰ کیا گیا کہ ان حملوں میں اسرائیلی حکومت کے کمانڈ اینڈ کنٹرول مراکز اور اہم فوجی تنصیبات کو نشانہ بنایا گیا۔

پاسداران انقلاب کی ایرو اسپیس فورس کے کمانڈر Majid Mousavi نے اپنے سرکاری ایکس اکاؤنٹ پر بیان میں نئی لہر کے دوران سجیل میزائل داغے جانے کی تصدیق بھی کی۔

دوسری جانب اسرائیلی میڈیا کے مطابق Tel Aviv، Herzliya اور دیگر مقبوضہ علاقوں کے کم از کم 141 مقامات پر خطرے کے سائرن بج اٹھے، جن کے ذریعے شہریوں کو آنے والے میزائلوں سے خبردار کیا گیا۔