اہم عالمی آبی گزرگاہ Strait of Hormuz کے بحران کے دوران Donald Trump نے اتحادی ممالک کو سخت وارننگ دیتے ہوئے کہا ہے کہ اگر انہوں نے اس گزرگاہ کو کھلوانے اور محفوظ بنانے میں امریکا کی مدد نہ کی تو NATO کا مستقبل خطرے میں پڑ سکتا ہے۔

برطانوی اخبار کو دیے گئے ایک انٹرویو میں امریکی صدر کا کہنا تھا کہ United States اس وقت Iran کے ساتھ رابطے میں ہے، تاہم انہیں نہیں لگتا کہ تہران کسی معاہدے کے لیے تیار ہے۔

ٹرمپ کے مطابق امریکا آبنائے ہرمز کے معاملے پر تقریباً سات ممالک سے بات چیت کر رہا ہے اور ان سے مطالبہ کیا جا رہا ہے کہ وہ اس اہم سمندری راستے کی حفاظت میں کردار ادا کریں۔ ان کا کہنا تھا کہ Israel بھی اس مقصد کے لیے امریکا کے ساتھ تعاون کر رہا ہے۔

امریکی صدر نے خبردار کیا کہ اگر نیٹو کے رکن ممالک نے اس معاملے میں تعاون نہ کیا تو اس اتحاد کے مستقبل پر سنگین اثرات مرتب ہو سکتے ہیں۔

ٹرمپ نے یہ بھی اشارہ دیا کہ رواں ماہ کے آخر میں Xi Jinping کے ساتھ طے شدہ ملاقات میں تاخیر ہو سکتی ہے۔ ان کا کہنا تھا کہ یہ ملاقات اسی صورت میں مفید ہوگی جب وہ ممالک جو ہرمز کے راستے سے فائدہ اٹھاتے ہیں، اس کی حفاظت کو یقینی بنانے میں مدد کریں۔

واضح رہے کہ اس سے قبل ٹرمپ South Korea، Japan، France، China اور United Kingdom سمیت مختلف ممالک سے اپیل کر چکے ہیں کہ وہ اپنے جنگی جہاز ہرمز کے علاقے میں بھیجیں تاکہ عالمی تیل کی ترسیل کو محفوظ بنایا جا سکے۔

تاہم اس اپیل کے باوجود عالمی سطح پر محتاط ردعمل سامنے آیا ہے اور رپورٹس کے مطابق France، United Kingdom، Japan اور Australia اس اقدام میں شامل ہونے سے انکار کر چکے ہیں۔