Karachi سمیت ملک بھر میں سونے اور چاندی کی قیمتوں میں 4 دن کے وقفے کے بعد ایک بار پھر اضافہ دیکھنے میں آیا ہے۔
بین الاقوامی بلین مارکیٹ میں منگل کے روز فی اونس سونے کی قیمت میں 10 ڈالر اضافہ ہوا، جس کے بعد عالمی قیمت 5,010 ڈالر کی سطح تک پہنچ گئی۔
مقامی صرافہ بازاروں میں بھی اس اضافے کا اثر نمایاں رہا، جہاں 24 قیراط فی تولہ سونے کی قیمت 1,000 روپے اضافے کے بعد 5 لاکھ 23 ہزار 762 روپے ہو گئی، جبکہ فی 10 گرام سونے کی قیمت 857 روپے بڑھ کر 4 لاکھ 49 ہزار 041 روپے تک پہنچ گئی۔
اسی طرح چاندی کی قیمتوں میں بھی اضافہ ریکارڈ کیا گیا ہے۔ فی تولہ چاندی 128 روپے مہنگی ہو کر 8 ہزار 569 روپے کی سطح پر آ گئی، جبکہ 10 گرام چاندی کی قیمت 110 روپے اضافے کے بعد 7 ہزار 346 روپے ہو گئی۔
ماہرین کے مطابق عالمی سطح پر معاشی غیر یقینی صورتحال اور بڑھتی ہوئی جیو پولیٹیکل کشیدگی کے باعث قیمتی دھاتوں کی قیمتوں میں اتار چڑھاؤ جاری رہنے کا امکان ہے۔
