بالی ووڈ کے معروف اداکار Sanjay Dutt اور ڈانسر و اداکارہ Nora Fatehi کا نیا گانا ریلیز ہوتے ہی تنازع کا شکار ہو گیا ہے۔
بھارتی میڈیا رپورٹس کے مطابق فلم “D: The Devil” کے گانے “سرکے چُنر تیری سرکے” کو یوٹیوب پر جاری کیے جانے کے بعد شدید تنقید کا سامنا ہے۔
رپورٹس کے مطابق اس گانے کے خلاف باقاعدہ شکایت درج کرائی گئی ہے۔ ایڈووکیٹ Vineet Jindal نے Central Board of Film Certification سے رجوع کرتے ہوئے گانے کے خلاف فوری قانونی کارروائی کا مطالبہ کیا ہے۔
شکایت کو Ministry of Information and Broadcasting India کو بھی ارسال کیا گیا ہے، جس میں مؤقف اختیار کیا گیا ہے کہ گانے کے بعض بول قابلِ اعتراض ہیں اور اس کی فلم بندی میں غیر اخلاقی مناظر شامل ہیں، جو عوامی نمائش کے لیے مناسب نہیں۔
درخواست گزار کے مطابق اس طرح کا مواد کم عمر بچوں اور نوجوانوں پر منفی اثر ڈال سکتا ہے، اس لیے گانے پر فوری پابندی عائد کی جانی چاہیے۔
دوسری جانب سوشل میڈیا پر اس معاملے پر بحث جاری ہے، جہاں صارفین کی جانب سے ملے جلے ردعمل کا اظہار کیا جا رہا ہے
