پشاور/گلگت: گلگت بلتستان اور خیبر پختونخوا کے مختلف علاقوں میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔
محکمہ موسمیات کے مطابق زلزلے کی شدت ریکٹر اسکیل پر 5.3 ریکارڈ کی گئی جبکہ اس کی گہرائی 12 کلو میٹر تھی۔
زلزلے کے جھٹکے گلگت، اسکردو، پتن، بالاکوٹ اور گرد و نواح میں محسوس کیے گئے۔ ابتدائی اطلاعات کے مطابق کسی جانی یا مالی نقصان کی خبر موصول نہیں ہوئی۔
محکمہ موسمیات کا کہنا ہے کہ زلزلے کا مرکز شمال مغربی کشمیر میں گلگت بلتستان سے تقریباً 84 کلومیٹر شمال مشرق میں واقع تھا۔
ماہرین کے مطابق اس نوعیت کے درمیانی شدت کے زلزلے عام طور پر بڑے نقصان کا باعث نہیں بنتے، تاہم شہریوں کو احتیاطی تدابیر اختیار کرنے کی ہدایت کی جاتی ہے۔
مزید تازہ ترین خبروں، تجزیوں اور اہم اپڈیٹس کے لیے ڈیلی فیض اعوام ڈاٹ کام کے ساتھ جڑے رہیں۔ باخبر رہیں، آگے رہیں
