پاکستان سپر لیگ Pakistan Super League کے 11ویں ایڈیشن کے افتتاحی میچ میں ایک غیر معمولی واقعہ سامنے آیا جب حیدرآباد کنگزمین کی کٹ کا رنگ گیند پر منتقل ہوگیا۔
قذافی اسٹیڈیم لاہور میں کھیلے گئے میچ میں Lahore Qalandars اور Hyderabad Kingsmen کے درمیان مقابلہ ہوا، جہاں مرون رنگ کی کٹ پہننے والی ٹیم کا رنگ سفید کوکابورا گیند پر لگنے لگا اور وہ ہلکی گلابی ہو گئی۔
اس صورتحال کے باعث بلے بازوں کو گیند دیکھنے میں مشکلات پیش آئیں، جس کے بعد امپائرز کو گیند تبدیل کرنا پڑی۔
کپتان Marnus Labuschagne نے بتایا کہ انہوں نے ابتدائی اوورز میں ہی امپائرز کو آگاہ کر دیا تھا اور امید ظاہر کی کہ اگلے میچ سے پہلے اس مسئلے کا حل نکال لیا جائے گا۔
دوسری جانب Haris Rauf کا کہنا تھا کہ ممکن ہے گیند پر رنگ گراؤنڈ کی نشستوں سے بھی لگا ہو، تاہم اس کی تصدیق مشکل ہے۔
یہ واقعہ شائقین کرکٹ کے لیے دلچسپی کا باعث بن گیا اور سوشل میڈیا پر بھی خوب زیر بحث رہا۔
مزید اپڈیٹس کیلئے ہمارے ساتھ جڑے رہیں۔
